🔥 BJP ED-CBI ਦਾ ਇਸਤੇਮਾਲ ਕਰਕੇ ਲੋਕਾਂ ਨੂੰ ਡਰਾ ਕੇ ਆਪਣੀ ਪਾਰਟੀ ‘ਚ ਸ਼ਾਮਲ ਕਰਵਾ ਰਹੀ ਹੈ: ਬਲਤੇਜ ਪੰਨੂ

📢 ਆਮ ਆਦਮੀ ਪਾਰਟੀ ਪੰਜਾਬ ਦੇ ਮੀਡੀਆ ਇੰਚਾਰਜ ਬਲਤੇਜ ਪੰਨੂ ਨੇ BJP ‘ਤੇ ਗੰਭੀਰ ਦੋਸ਼ ਲਗਾਉਂਦੇ ਕਿਹਾ ਕਿ ਕੇਂਦਰੀ ਏਜੰਸੀਆਂ ED ਅਤੇ CBI ਦਾ ਖੁੱਲ੍ਹੇਆਮ ਦੁਰਪਯੋਗ ਕਰਕੇ ਵਪਾਰੀਆਂ, ਯੂਨੀਵਰਸਿਟੀ ਮਾਲਕਾਂ ਅਤੇ ਰਾਜਨੀਤਿਕ ਆਗੂਆਂ ਨੂੰ ਡਰਾਇਆ-ਧਮਕਾਇਆ ਜਾ ਰਿਹਾ ਹੈ।
⚠️ ਪੰਨੂ ਨੇ ਕਿਹਾ ਕਿ ਪਹਿਲਾਂ ਛਾਪੇ ਮਾਰੇ ਜਾਂਦੇ ਹਨ, ਫਿਰ ਨੋਟਿਸ ਭੇਜੇ ਜਾਂਦੇ ਹਨ ਅਤੇ ਬਾਅਦ ‘ਚ BJP ‘ਚ ਸ਼ਾਮਲ ਹੋਣ ਲਈ ਦਬਾਅ ਬਣਾਇਆ ਜਾਂਦਾ ਹੈ। ਉਨ੍ਹਾਂ ਦਾਅਵਾ ਕੀਤਾ ਕਿ ਜੋ BJP ‘ਚ ਸ਼ਾਮਲ ਹੋ ਜਾਂਦੇ ਹਨ, ਉਨ੍ਹਾਂ ਖ਼ਿਲਾਫ਼ ਕਾਰਵਾਈ ਰੁਕ ਜਾਂਦੀ ਹੈ।
🎯 ਰਵਨੀਤ ਬਿੱਟੂ ‘ਤੇ ਨਿਸ਼ਾਨਾ ਸਾਧਦੇ ਹੋਏ ਪੰਨੂ ਨੇ ਕਿਹਾ ਕਿ ਧੂਰੀ ਹਸਪਤਾਲ ਦੇ ਦੌਰੇ ਦੌਰਾਨ ਬਿੱਟੂ ਨੇ ਖੁਦ ਪ੍ਰਬੰਧਾਂ ਦੀ ਤਾਰੀਫ਼ ਕੀਤੀ ਸੀ, ਪਰ ਬਾਅਦ ‘ਚ ਬਿਆਨ ਬਦਲ ਦਿੱਤੇ। ਉਨ੍ਹਾਂ ਇਸਨੂੰ “ਰਾਜਨੀਤਿਕ ਪਖੰਡ” ਕਰਾਰ ਦਿੱਤਾ।
🚨 CM ਭਗਵੰਤ ਮਾਨ ਨੂੰ ISI ਏਜੰਟ ਕਹਿਣ ‘ਤੇ ਵੀ ਪੰਨੂ ਨੇ ਤਿੱਖਾ ਵਿਰੋਧ ਕੀਤਾ ਤੇ ਕਿਹਾ ਕਿ ਪੰਜਾਬੀਆਂ ਦੀ ਦੇਸ਼ਭਗਤੀ ‘ਤੇ ਸਵਾਲ ਚੁੱਕਣਾ ਪੂਰੇ ਪੰਜਾਬ ਦਾ ਅਪਮਾਨ ਹੈ।
🗣️ ਪੰਨੂ ਨੇ BJP ਨੂੰ ਪੁਲਵਾਮਾ, ਪਠਾਨਕੋਟ ਅਤੇ ਪਹਲਗਾਮ ਹਮਲਿਆਂ ‘ਤੇ ਵੀ ਘੇਰਦੇ ਹੋਏ ਸੱਚ ਸਾਹਮਣੇ ਲਿਆਉਣ ਦੀ ਮੰਗ ਕੀਤੀ।
👉 ਅਖੀਰ ‘ਚ ਉਨ੍ਹਾਂ ਕਿਹਾ ਕਿ ਪੰਜਾਬ ਦੇ ਲੋਕ ਆਪਣੇ ਚੁਣੇ ਹੋਏ ਮੁੱਖ ਮੰਤਰੀ ਦਾ ਬੇਬੁਨਿਆਦ ਅਪਮਾਨ ਬਰਦਾਸ਼ਤ ਨਹੀਂ ਕਰਨਗੇ ਅਤੇ ਰਵਨੀਤ ਬਿੱਟੂ ਨੂੰ ਜਾਂ ਤਾਂ ਸਬੂਤ ਦੇਣੇ ਚਾਹੀਦੇ ਹਨ ਜਾਂ ਪੰਜਾਬੀਆਂ ਤੋਂ ਮਾਫ਼ੀ ਮੰਗਣੀ ਚਾਹੀਦੀ ਹੈ।