🎤 ਜੈਸਮੀਨ ਸੈਂਡਲਸ ਦੇ ਕੌਂਸਰਟ ਦੌਰਾਨ ਮਚੀ ਅਫਰਾਤਫਰੀ, ਬੈਰੀਕੇਡ ਟੁੱਟਣ ਨਾਲ ਵਿਚਕਾਰ ਹੀ ਰੋਕਣਾ ਪਿਆ ਸ਼ੋ!

Entertainment Desk: ਇੰਡੀਆਨ-ਅਮਰੀਕਨ ਪੰਜਾਬੀ ਗਾਇਕਾ ਦੇ ਦੇਹਰਾਦੂਨ ਕੌਂਸਰਟ ਦੌਰਾਨ ਉਸ ਵੇਲੇ ਹੜਕੰਪ ਮਚ ਗਿਆ ਜਦੋਂ ਦਰਸ਼ਕਾਂ ਲਈ ਲਗੇ ਬੈਰੀਕੇਡ ਅਚਾਨਕ ਟੁੱਟ ਗਏ। ਅੱਗੇ ਖੜ੍ਹੇ ਕਈ ਲੋਕ ਇਕ-ਦੂਜੇ ਉੱਤੇ ਡਿੱਗ ਪਏ ਜਿਸ ਕਾਰਨ ਸ਼ੋ ਨੂੰ ਤੁਰੰਤ ਰੋਕਣਾ ਪਿਆ।

ਮੰਚ ‘ਤੇ ਮੌਜੂਦ ਜੈਸਮੀਨ ਸੈਂਡਲਸ ਇਸ ਘਟਨਾ ਤੋਂ ਬਾਅਦ ਕਾਫੀ ਚਿੰਤਿਤ ਨਜ਼ਰ ਆਈਆਂ। ਉਨ੍ਹਾਂ ਨੇ ਮਾਈਕ ਰਾਹੀਂ ਸੁਰੱਖਿਆ ਕਰਮਚਾਰੀਆਂ ਨੂੰ ਹਾਲਾਤ ਸੰਭਾਲਣ ਲਈ ਕਿਹਾ ਅਤੇ ਫੈਨਜ਼ ਦੀ ਸੁਰੱਖਿਆ ਨੂੰ ਸਭ ਤੋਂ ਪਹਿਲਾਂ ਰੱਖਿਆ। ਮੌਕੇ ‘ਤੇ ਮੌਜੂਦ ਲੋਕਾਂ ਦੇ ਮੁਤਾਬਕ, ਗਾਇਕਾ ਲਗਾਤਾਰ “ਵਾਹਿਗੁਰੂ” ਦਾ ਜਾਪ ਕਰ ਰਹੀ ਸੀ ਅਤੇ ਦਰਸ਼ਕਾਂ ਤੋਂ ਇਸ ਰੁਕਾਵਟ ਲਈ ਮਾਫ਼ੀ ਵੀ ਮੰਗੀ।

ਇਸ ਦੌਰਾਨ ਜੈਸਮੀਨ ਸੁਰੱਖਿਆ ਕਰਮਚਾਰੀਆਂ ਦੇ ਆਕਰਾਮਕ ਰਵੱਈਏ ‘ਤੇ ਵੀ ਭੜਕ ਗਈਆਂ। ਉਨ੍ਹਾਂ ਨੇ ਸਾਫ਼ ਕਿਹਾ ਕਿ ਜਦ ਤੱਕ ਹਰ ਇੱਕ ਫੈਨ ਦੀ ਸੁਰੱਖਿਆ ਯਕੀਨੀ ਨਹੀਂ ਬਣਦੀ, ਸ਼ੋ ਅੱਗੇ ਨਹੀਂ ਵਧਾਇਆ ਜਾਵੇਗਾ। ਹਾਲਾਤ ਕਾਬੂ ਵਿੱਚ ਆਉਣ ਤੋਂ ਬਾਅਦ ਹੀ ਕੌਂਸਰਟ ਮੁੜ ਸ਼ੁਰੂ ਕੀਤਾ ਗਿਆ।

🎶 ਆਪਣੇ ਬੇਬਾਕ ਅੰਦਾਜ਼ ਅਤੇ ਹਿੱਟ ਗਾਣਿਆਂ ਲਈ ਮਸ਼ਹੂਰ ਜੈਸਮੀਨ ਸੈਂਡਲਸ ਨੂੰ “ਗੁਲਾਬੀ ਕਵੀਨ” ਦੇ ਨਾਂ ਨਾਲ ਵੀ ਜਾਣਿਆ ਜਾਂਦਾ ਹੈ। ਇਸ ਘਟਨਾ ਤੋਂ ਬਾਅਦ ਫੈਨਜ਼ ਲਈ ਉਨ੍ਹਾਂ ਦੀ ਚਿੰਤਾ ਅਤੇ ਸੰਵੇਦਨਸ਼ੀਲਤਾ ਦੀ ਸੋਸ਼ਲ ਮੀਡੀਆ ‘ਤੇ ਕਾਫੀ ਤਾਰੀਫ਼ ਹੋ ਰਹੀ ਹੈ।