🌙✨ ਜਲੰਧਰ ‘ਚ ਅਕੀਦਤ ਤੇ ਭਾਈਚਾਰੇ ਨਾਲ ਮਨਾਈ ਗਈ ਬਕਰੀਦ 🕌🤝

ਜਲੰਧਰ ਸਮੇਤ ਦੇਸ਼ ਭਰ ‘ਚ ਅੱਜ ਤਿਆਗ, ਕੁਰਬਾਨੀ ਅਤੇ ਇਨਸਾਨੀਅਤ ਦਾ ਪਵਿੱਤਰ ਤਿਉਹਾਰ ਬਕਰੀਦ (ਈਦ-ਉਲ-ਅਜ਼ਹਾ) ਬੜੀ ਸ਼ਰਧਾ ਅਤੇ ਉਤਸ਼ਾਹ ਨਾਲ ਮਨਾਇਆ ਗਿਆ। 🌸 ਸਵੇਰੇ ਤੋਂ ਹੀ ਗੁਲਾਬ ਦੇਵੀ ਰੋਡ ਸਥਿਤ ਮੁੱਖ ਈਦਗਾਹ ਅਤੇ ਵੱਖ-ਵੱਖ ਮਸਜਿਦਾਂ ‘ਚ ਵੱਡੀ ਗਿਣਤੀ ਵਿੱਚ ਮੁਸਲਿਮ ਭਾਈਚਾਰੇ ਦੇ ਲੋਕ ਇਕੱਠੇ ਹੋਏ ਅਤੇ ਨਮਾਜ ਅਦਾ ਕਰਕੇ ਦੇਸ਼ ਦੀ ਅਮਨ-ਸ਼ਾਂਤੀ, ਤਰੱਕੀ ਅਤੇ ਭਾਈਚਾਰੇ ਲਈ ਦੁਆਵਾਂ ਮੰਗੀਆਂ। 🤲🇮🇳
ਨਮਾਜ ਤੋਂ ਬਾਅਦ ਲੋਕਾਂ ਨੇ ਇਕ-ਦੂਜੇ ਨੂੰ ਗਲੇ ਮਿਲ ਕੇ ਈਦ ਦੀ ਮੁਬਾਰਕਬਾਦ ਦਿੱਤੀ। ਇਸ ਮੌਕੇ ‘ਤੇ ਕਈ ਸਮਾਜਿਕ ਅਤੇ ਰਾਜਨੀਤਿਕ ਆਗੂ ਵੀ ਈਦਗਾਹ ਪਹੁੰਚੇ ਅਤੇ ਭਾਈਚਾਰੇ ਨੂੰ ਵਧਾਈ ਦਿੱਤੀ। 💐
🗣️ “ਦੇਸ਼ ਤਦ ਹੀ ਵਿਸ਼ਵ ਗੁਰੂ ਬਣੇਗਾ ਜਦੋਂ ਹਰ ਧਰਮ ਦੇ ਲੋਕ ਇਕੱਠੇ ਹੋ ਕੇ ਤਰੱਕੀ ਲਈ ਕੰਮ ਕਰਨਗੇ” — ਇਹ ਸੰਦੇਸ਼ ਵੀ ਇਸ ਮੌਕੇ ‘ਤੇ ਦਿੱਤਾ ਗਿਆ।
🔥 ਇਸ ਦੌਰਾਨ ਲੋਕਾਂ ਨੇ ਦੇਸ਼ ਦੇ ਜਲੰਤੇ ਮੁੱਦਿਆਂ ‘ਤੇ ਵੀ ਖੁੱਲ੍ਹ ਕੇ ਗੱਲ ਕੀਤੀ — 📚 NEET ਪੇਪਰ ਲੀਕ ਮਾਮਲੇ ‘ਚ 22 ਲੱਖ ਵਿਦਿਆਰਥੀਆਂ ਦੇ ਭਵਿੱਖ ਨਾਲ ਖਿਲਵਾੜ ‘ਤੇ ਗਹਿਰੀ ਚਿੰਤਾ ਜਤਾਈ ਗਈ। 💸 ਮਹਿੰਗਾਈ, ਗੈਸ ਸਿਲੰਡਰ ਦੇ ਵਧਦੇ ਰੇਟ ਅਤੇ ਛੋਟੇ ਵਪਾਰੀਆਂ ਦੇ ਘਟਦੇ ਰੋਜ਼ਗਾਰ ‘ਤੇ ਵੀ ਲੋਕਾਂ ਨੇ ਨਾਰਾਜ਼ਗੀ ਜਤਾਈ। ⚖️ ਲੋਕਾਂ ਨੇ ਕਿਹਾ ਕਿ ਦੇਸ਼ ਨੂੰ ਅਜਿਹੀ ਸਿੱਖਿਆ ਨੀਤੀ ਦੀ ਲੋੜ ਹੈ ਜਿੱਥੇ ਅਮੀਰ-ਗਰੀਬ ਦਾ ਫਰਕ ਖਤਮ ਹੋਵੇ ਅਤੇ ਹਰ ਬੱਚੇ ਨੂੰ ਬਰਾਬਰ ਮੌਕੇ ਮਿਲਣ।
🕊️ “ਨਫ਼ਰਤ ਨੂੰ ਸਿਰਫ਼ ਮੁਹੱਬਤ ਨਾਲ ਹੀ ਖਤਮ ਕੀਤਾ ਜਾ ਸਕਦਾ ਹੈ” — ਇਹ ਪਿਆਰ ਅਤੇ ਏਕਤਾ ਦਾ ਸੰਦੇਸ਼ ਵੀ ਸਭ ਨੂੰ ਦਿੱਤਾ ਗਿਆ।
🐐 ਕੀ ਹੈ ਬਕਰੀਦ ਦਾ ਅਸਲੀ ਸੰਦੇਸ਼? ਬਕਰੀਦ ਸਿਰਫ਼ ਕੁਰਬਾਨੀ ਦਾ ਤਿਉਹਾਰ ਨਹੀਂ, ਸਗੋਂ ਆਪਣੇ ਅੰਦਰ ਦੇ ਅਹੰਕਾਰ, ਲਾਲਚ ਅਤੇ ਬੁਰਾਈਆਂ ਨੂੰ ਤਿਆਗ ਕੇ ਇਕ ਚੰਗਾ ਇਨਸਾਨ ਬਣਨ ਦੀ ਸਿੱਖ ਵੀ ਦਿੰਦੀ ਹੈ। ❤️✨