📍ਚੰਡੀਗੜ੍ਹ ‘ਚ ਪਹਿਲੀ ਵਾਰ ਪੈਟਰੋਲ ₹100 ਪਾਰ ਪਹੁੰਚ ਗਿਆ ਹੈ। ਹੁਣ ਪੈਟਰੋਲ ₹101.53 ਤੇ ਡੀਜ਼ਲ ₹89.63 ਪ੍ਰਤੀ ਲੀਟਰ ਮਿਲ ਰਿਹਾ ਹੈ। ਦੂਜੇ ਪਾਸੇ ਪੰਜਾਬ ‘ਚ ਵੀ ਤੇਲ ਦੀਆਂ ਕੀਮਤਾਂ ਨੇ ਲੋਕਾਂ ਦੀ ਚਿੰਤਾ ਵਧਾ ਦਿੱਤੀ ਹੈ।
⛽ ਪੰਜਾਬ ‘ਚ ਪੈਟਰੋਲ ਦਾ ਔਸਤ ਰੇਟ ₹105.44 ਤੇ ਡੀਜ਼ਲ ₹95.38 ਪ੍ਰਤੀ ਲੀਟਰ ਤੱਕ ਪਹੁੰਚ ਗਿਆ ਹੈ। ਸਭ ਤੋਂ ਮਹਿੰਗਾ ਇਲਾਕਾ ਮੋਹਾਲੀ ਬਣਿਆ, ਜਿੱਥੇ ਪੈਟਰੋਲ ₹105.99 ਪ੍ਰਤੀ ਲੀਟਰ ਵਿਕ ਰਿਹਾ ਹੈ।
📈 ਪਿਛਲੇ ਸਿਰਫ਼ 10 ਦਿਨਾਂ ਵਿੱਚ ਇਹ ਚੌਥੀ ਵਾਰ ਹੈ ਜਦੋਂ ਤੇਲ ਦੀਆਂ ਕੀਮਤਾਂ ਵਧੀਆਂ ਹਨ। ਇਸ ਦੌਰਾਨ ਪੈਟਰੋਲ ਕਰੀਬ ₹7.25 ਤੇ ਡੀਜ਼ਲ ₹7.55 ਪ੍ਰਤੀ ਲੀਟਰ ਮਹਿੰਗਾ ਹੋ ਚੁੱਕਾ ਹੈ।
🚕 ਇਸ ਵਾਧੇ ਦਾ ਅਸਰ ਹੁਣ ਹਰ ਘਰ ‘ਤੇ ਪੈਣ ਵਾਲਾ ਹੈ—ਆਟੋ, ਬੱਸ ਅਤੇ ਟੈਕਸੀ ਕਿਰਾਏ ਵੱਧ ਸਕਦੇ ਹਨ, ਜਦਕਿ ਫਲ-ਸਬਜ਼ੀਆਂ, ਰਾਸ਼ਨ ਅਤੇ ਦੁੱਧ ਵਰਗੀਆਂ ਜ਼ਰੂਰੀ ਚੀਜ਼ਾਂ ਵੀ ਮਹਿੰਗੀਆਂ ਹੋਣ ਦੀ ਸੰਭਾਵਨਾ ਹੈ।
🌾 ਕਿਸਾਨਾਂ ਲਈ ਵੀ ਇਹ ਵੱਡੀ ਚਿੰਤਾ ਬਣ ਗਈ ਹੈ ਕਿਉਂਕਿ ਡੀਜ਼ਲ ਮਹਿੰਗਾ ਹੋਣ ਨਾਲ ਟ੍ਰੈਕਟਰ, ਟਿਊਬਵੈੱਲ ਅਤੇ ਕਾਂਬਾਈਨ ਚਲਾਉਣ ਦਾ ਖਰਚ ਵੱਧੇਗਾ।
🌍 ਮਿਡਲ ਈਸਟ ‘ਚ ਵਧਦੇ ਤਣਾਅ ਕਾਰਨ ਅੰਤਰਰਾਸ਼ਟਰੀ ਬਾਜ਼ਾਰ ‘ਚ ਕੱਚੇ ਤੇਲ ਦੀ ਕੀਮਤ 100 ਡਾਲਰ ਪ੍ਰਤੀ ਬੈਰਲ ਤੋਂ ਪਾਰ ਪਹੁੰਚ ਗਈ ਹੈ, ਜਿਸਦਾ ਸਿੱਧਾ ਅਸਰ ਭਾਰਤ ‘ਚ ਪੈਟਰੋਲ-ਡੀਜ਼ਲ ਦੀਆਂ ਕੀਮਤਾਂ ‘ਤੇ ਪਿਆ ਹੈ।
