ਬਬਰੀ ਬਾਈਪਾਸ ‘ਤੇ ਫੋਰਚੂਨਰ–ਟਿੱਪਰ ਟੱਕਰ, ਭਾਰੀ ਨੁਕਸਾਨ; ਚਾਲਕ ਵਾਲੋਂ-ਵਾਲ ਬਚਿਆ

ਗੁਰਦਾਸਪੁਰ ਦੇ ਬਬਰੀ ਬਾਈਪਾਸ ‘ਤੇ ਅੰਮ੍ਰਿਤਸਰ–ਪਠਾਨਕੋਟ ਨੈਸ਼ਨਲ ਹਾਈਵੇ ‘ਤੇ ਇੱਕ ਹੋਰ ਸੜਕ ਹਾਦਸਾ ਵਾਪਰਿਆ, ਜਿੱਥੇ ਗੁਰਦਾਸਪੁਰ ਤੋਂ ਬਟਾਲਾ ਜਾ ਰਹੀ ਫੋਰਚੂਨਰ ਕਾਰ ਨੂੰ ਨਬੀਪੁਰ ਵੱਲੋਂ ਆ ਰਹੇ ਟਿੱਪਰ ਨੇ ਟੱਕਰ ਮਾਰ ਦਿੱਤੀ। ਹਾਦਸੇ ਵਿੱਚ ਫੋਰਚੂਨਰ ਚਾਲਕ ਲੱਖਣ ਨੂੰ ਮਾਮੂਲੀ ਸੱਟਾਂ ਲੱਗੀਆਂ, ਪਰ ਕਾਰ ਨੂੰ ਭਾਰੀ ਨੁਕਸਾਨ ਪਹੁੰਚਿਆ।

ਟਿੱਪਰ ਚਾਲਕ ਲੋਕਾਂ ਦੇ ਇਕੱਠੇ ਹੋਣ ‘ਤੇ ਮੌਕੇ ਤੋਂ ਫਰਾਰ ਹੋ ਗਿਆ। ਘਟਨਾ ਤੋਂ ਬਾਅਦ ਸਥਾਨਕ ਲੋਕਾਂ ਨੇ ਬਬਰੀ ਬਾਈਪਾਸ ‘ਤੇ ਲਗਾਤਾਰ ਵਾਪਰ ਰਹੀਆਂ ਦੁਰਘਟਨਾਵਾਂ ‘ਤੇ ਚਿੰਤਾ ਜਤਾਈ ਅਤੇ ਚੌਰਾਹੇ ‘ਤੇ ਟਰੈਫਿਕ ਸਿਗਨਲ ਲਗਾਉਣ ਦੀ ਮੰਗ ਕੀਤੀ, ਤਾਂ ਜੋ ਭਵਿੱਖ ਵਿੱਚ ਹਾਦਸਿਆਂ ਤੋਂ ਬਚਾਅ ਕੀਤਾ ਜਾ ਸਕੇ।